الأربعاء، 4 أغسطس 2010

وينــي و العســل و الأصدقـــاء

وينى يحب العسل أوى أوى وفى يوم جاء الربيع فقرر ان يجمع برطمنات من العسل حتى يكفيه  باقى السنه

وجاء اليوم التالى وذهب وينى الى الحديقه ليأخذ العسل من الزهور وهو يغنى وفرحان

لأنه أفتكر الشتاء الماضى حينما نفذ منه العسل وكان وقتها يشعر بالحزن الشديد

وكان يأكل من طعام أخر

ولكن الأن  سوف يجمع العسل الذى يحبه ليكفيه

وفى طريقه قابل فجله وكان فجله يحب الأرز

فأعطاه بعض من الأرز

 فشكره وينى كثيراً

وفى اليوم الثانى

ذهب وينى الى والدة  روو

لأنها كانت تريده

فقالت له :

أهلاً وينى ... خذ منى هذه الدجاجه الكبيره فانها هديه لك

فقال لها : أهلاً يا والدة  روو وشكراً لكِ كثيراً

وهو فى طريقه الى البيت .. قابل أرنوب


سلم عليه أرنوب وقال له : هذا الجزر لك يا صديقى العزيز

وينى : شكره وقال له هذا كثير ؟

وفى يوم قرر وينى أن يعزم أصدقائه على حفلة غذاء جميله

وفى يوم الحفله  كان الطعام كثيراً والدجاجه كبيره

والكل أستمتع بالطعام وشكرو وينى على هذه الحفله الجميله .

( المحبه شىء جميل فهو يقوى العلاقات بين الناس )

لولو

هناك 16 تعليقًا:

mrmr يقول...

الله الله عليك يا قمر انتى
جميله قوى القصه يا لولو
وجميله معناها
المحبه شئ جميل قوى

ربنا يملا قلوبنا بالحب ديما

من غير المحبه محدش يقدر يعيش

ربنا يسعدك يا جميل ويباركلك فى ماما

مستنيا اقرا كل يوم قصه يا قمر
باى يا جميل

Unknown يقول...

مساء الخير...
القصة حلوة و معناها أجمل...
بس بأمانة كده انتي لو مكان الأخ ويني و جالك الأكل ده هاتعملي بيه عزومة ليهم ولا هاتقوليلهم دمتم سالمين :)
تحياتي لولو...

محمد التركى يقول...

جميله يالولو
القصه حلوة قوى

الحب والصداقه
شئ جميل قوى

يارب دايما كده تمتعينه بقصصك الجميله

تصبحى على الف خير يالولو

تقبلى تحياتى

محمد التركى

LOLO يقول...

mrmr
مرسي اوي يا طنط مرمر لتعليقق عندي

يا رب

طبعا حتقري كتير ليحاد ماتيزحقي مني

LOLO يقول...

elmostafez
مساء النور
مرسي يا انكل

طبعا حعزمهم و اقدس معاهم وقت حلو

LOLO يقول...

محمد التركى
مرسي اوي يا انكل

يا رب


يا رب حضرتك تفضل تشارفني كدة في موداوني


لولو

أنا - الريس يقول...

السلام عليكواا
تسلمي علي المشاعر الطيبة
القصة حلوة يا لولو
مستنين قصة جديدة
ويارب تكبري وتبقي كاتبة كبيرة
للقصص الأطفال
وعلي فكرة مش أي حد يكتب للأطفال
انا في رأي العباقرة بس .

ويكا يقول...

مبروك يا لولو
واتمنى اننا نشوف الابداعات الفتره اللى جايه دى ، وتبقى اشطر من ماما كمان.

LOLO يقول...

MR.PRESIDENT
و عليكم السلام

مرسي يا انكل

ان شاء اللة في قصص احسن
يا رب

LOLO يقول...

ويكا
الله يبارك فيك
ان شاء اللة
معرفش اكون احسن من ماما

زينب علي حبيب يقول...

القصة جميلة يا لولو :)

غير معرف يقول...

جميله يا لولو
ربنا يخليكى

موجة يقول...

لولو حبيبت قلبى
انتى جميله وقصصك جميله
مبسوطة كتير لفكرة مدونة صغيرة كده
على فكرة خطك جميل اوووى يشبه خط ماما كتير
سلمى على ماما

LOLO يقول...

قطرة وفا
مرسي اوي يا طنط

LOLO يقول...

الحب الجميل
مرسي يا ماما

LOLO يقول...

موجة

مرسي يا طنط
ماشي يا طنط
انا مبسوطة ان حضرتك شرفتيني في مودونتي